TV SHOWS | MOVIES | TV SERIALS

TV SHOWS | MOVIES | TV SERIALS

விமர்சனங்கள்... கவுதம் மேனன் கோபம்!

Posted: 09 Mar 2012 01:55 AM PST


விமர்சனங்கள்... கவுதம் மேனன் கோபம்!
பத்து முட்டாள்கள் சேர்ந்து ஒரு படத்தை தோல்யடைய வைத்துவிடலாம், ஆனால் ஒரு படைப்பாளியின் பயணத்தைத் தடுத்துவிட முடியாது, என்கிறார் இயக்குநர் கவுதம் மேனன்.


ஏன் இத்தனை கோபம்?


எல்லாம் விண்ணைத்தாண்டி வருவாயா இந்தியில் சரியாகப் போகாததுதான். ஏஆர் ரஹ்மான் இசையில் ஏக் தீவானா தா என்ற பெயரில், வெளியான இந்தப் படம், பெரிய வரவேற்பைப் பெறவில்லை. கடுமையான விமர்சனங்கள் வேறு.


இதுகுறித்து தனது டிவிட்டர் இணையத்தில் "விமர்சகர்களைப் பற்றி கவலை இல்லை. அவர்கள் தங்களது வேலையை செய்கிறார்கள். எப்போதுமே என் படங்களுக்கு நல்லபடியான விமர்சனங்கள் வந்ததில்லை" என்று கூறியிருந்தார் கவுதம்.


ஆனால் அப்படியும் விமர்சனங்களும் குற்றச்சாட்டுகளும் ஓயவில்லை. இதனால் கடுப்பான கவுதம் மேனன், "பத்து முட்டாள்கள் சேர்ந்து ஒரு படத்தின் வெற்றியைத் தடுத்துவிடலாம். ஆனால் ஒரு படைப்பாளியின் பயணத்தை தடுத்துவிட முடியாது.. அது தொடர்ந்து கொண்டே இருக்கும்.. " என்று கூறியுள்ளார்.


கெளதம் மேனன் இயக்கத்தில் 'நீதானே என் பொன்வசந்தம்' திரைப்படம் தமிழ், தெலுங்கு, இந்தி என மூன்று மொழிகளிலும் வெளிவர இருக்கிறது. இளையராஜா இசையமைக்கிறார்.


விடுங்க கவுதம்... ஏக் தீவா தா தோல்வியை இந்த வசந்தம் ஈடுகட்டிவிடும்!
Thanks to OneIndia

டிராவிட் சர்வதேச கிரிக்கெட்டில் இருந்து ஓய்வு - பிசிசிஐ தலைவர் சீனிவாசன் வாழ்த்து

Posted: 09 Mar 2012 01:54 AM PST


டிராவிட் சர்வதேச கிரிக்கெட்டில் இருந்து ஓய்வு - பிசிசிஐ தலைவர் சீனிவாசன் வாழ்த்து

பெங்களூர்: இந்திய கிரிக்கெட் அணியின் சுவர் என்று வர்ணிக்கப்பட்ட ராகுல் டிராவிட், சர்வதேச கிரிக்கெட் போட்டிகளில் இருந்து முழுமையாக ஓய்வு பெறுவதாக இன்று பெங்களூரில் அறிவித்தார்.


இந்திய கிரிக்கெட் அணியின் அனுபவ வீரர் ராகுல் டிராவிட்(39). கடந்த 15 ஆண்டுகளாக இந்திய அணிக்காக விளையாடி வந்த இவர் கடந்த ஆண்டு இங்கிலாந்தில் நடைபெற்ற போட்டியில் விளையாடிய பிறகு, ஒருநாள் போட்டிகளில் இருந்து ஓய்வு பெற்றார். அதன்பிறகு டெஸ்ட் போட்டிகளில் மட்டும் ஆடி வந்தார்.


இந்த நிலையில் சமீப காலமாக டிராவிட் பங்கேற்ற போட்டிகளில் அவரால் சரியாக விளையாட முடியவில்லை. டிராவிட் கடைசியாக விளையாடிய 8 டெஸ்ட் போட்டிகளில் 194 ரன்களை மட்டுமே எடுத்தார்.


இதனால் இந்திய அணியில் இருந்து ஓய்வு பெறுவதாக இன்று பெங்களூரில் அறிவித்தார். பெங்களூரில் செய்தியாளர்கள் சந்திப்பில் கலந்து கொண்ட டிராவிட் உடன் பிசிசிஐ தலைவர் சீனிவாசன், முன்னாள் இந்திய கேப்டன் அனில் கும்பளே ஆகியோர் கலந்து கொண்டனர். சர்வதேச போட்டிகளில் இருந்து ஓய்வு பெற்ற டிராவிட்டிற்கு, பிசிசிஐ தலைவர் சீனிவாசன், முன்னாள் கேப்டன் அனில் கும்பளே ஆகியோர் வாழ்த்து தெரிவித்தனர்.


டெஸ்ட் சாதனைகள்:


இதுவரை 164 டெஸ்ட் போட்டிகளில் பங்கேற்று உள்ள டிராவிட் 36 சதங்களும், 63 அரைசதங்களும் அடித்துள்ளார். இதன்மூலம் மொத்தம் 13,288 ரன்களை எடுத்துள்ள டிராவிட், டெஸ்ட் போட்டிகளில் அதிக ரன்களை எடுத்தவர்கள் பட்டியலில் 2வது நபராக உள்ளார். டெஸ்ட் போட்டிகளில் டிராவிட் சராசரியாக 52.31 ரன்கள் வைத்துள்ளார்.


இந்திய அணியில் உள்ள மூத்த வீரர்களில் ஒருவரான டிராவிட், இந்திய அணிக்காக 25 டெஸ்ட் போட்டிகளில் கேப்டனாக செயல்பட்டுள்ளார் என்பது குறிப்பிடத்தக்கது.
Thanks to OneIndia

வலியில்லா பிரசவம் வேண்டுமா? கர்ப்பிணிகளே துளசி சாப்பிடுங்க!

Posted: 09 Mar 2012 01:52 AM PST


வலியில்லா பிரசவம் வேண்டுமா? கர்ப்பிணிகளே துளசி சாப்பிடுங்க!
கர்ப்ப காலத்தில் கர்ப்பிணிகள் சாப்பிடும் உணவுதான் கருவின் வளர்ச்சி, பிரசவத்துக்கு பிறகு தாயின் உடல் நலனில் முக்கிய பங்கு வகிக்கிறது.


கர்ப்ப காலத்தில் உணவு முறை, வாழ்க்கை முறை மற்றும் கர்ப்பிணியின் சிந்தனை ஆகிய மூன்றையும் அடிப்படையாக வைத்து ஆயுர்வேதம் ஆலோசனைகளை தெரிவித்துள்ளது. கர்ப்ப காலத்தில் அவ்வப்போது துளசி இலைகளை மென்று சாப்பிடுவது வலியின்றி பிரசவம் ஏற்படும் என்று ஆயுர்வேதம் கூறியுள்ளது.


பால், தேன், நெய்


கருவுற்றதும் பால் மற்றும் அடுத்த மாதத்தில் பாலுடன் மூலிகைகளை கலந்து பருகுவது நல்லது. தேன், நெய் ஆகியவற்றை சேர்த்துக் கொள்ள வேண்டும். இவை பிரசவ காலத்தில் பயனளிக்கும். குழந்தையின் கை, கால், தோல், முடி வளர்ச்சிக்கு நெய் முக்கியம் என்கிறது ஆயுர்வேதம்.


கர்ப்ப காலத்தில் மூன்றாம் மாதம் முதல் தாயின் உணவையே குழந்தையும் ஏற்றுக் கொள்ளத் தொடங்கி விடும். எனவே, இருவரின் உணவும் ஒன்றாக அமைந்து விடும். இந்த நேரத்தில்தான் குழந்தையின் விருப்பத்தை தனது விருப்பமாக தாய் தெரிவிப்பது வழக்கம். அதை நிறைவேற்றினாலும், உடல் பருமன் ஏற்படாமல் இருக்க உணவு கட்டுப்பாட்டை ஆயுர்வேதம் வலியுறுத்துகிறது.


திரவ உணவுகள்


கர்ப்ப காலத்தின் முதல் 3 மாதங்கள், 7வது மாதத்தில் இருந்து கடைசி 3 மாதங்களில் கர்ப்பிணி தனது உணவுகளில் அதிக கவனம் செலுத்த வேண்டும் என்கிறது ஆயுர்வேதம். இந்த காலங்களில் அதிக திரவ உணவுகள், பழங்கள் நல்லது. கரு வளர இவை அதிக பயனளிக்கும். பால், இளநீர், பழம் மற்றும் பழச்சாறுகளை உணவில் அதிகரிக்க வேண்டும்.


நான்கு மாதம் தொடங்கி அடுத்தடுத்த மாதங்களில் தொப்புள் கொடி மூலம் உணவு போவதால் அரிசி சாதம், பால், நெய், வெண்ணெய், பழங்கள், காய்கறிகள் சிறந்த உணவுகளாக இருக்கும்.சத்து நிறைந்த பருப்பு வகைகள், நெல்லிக்காய் சேர்த்துக் கொள்ளவேண்டும் என ஆயுர்வேதத்தில் கூறப்பட்டுள்ளது. மருத்துவ குணம் கொண்ட அஸ்வகந்தா, சிந்தில பொடி ஆகியவை தாய், சிசு இருவரின் தசைகளுக்கு பலம் அளிக்கும். கொழுப்பு மற்றும் உப்பு, நீர் குறைத்த அரிசி கஞ்சியை நெய்யுடன் சேர்த்து சாப்பிட்டு வரலாம்.


வலியில்லா பிரசவம்


கர்ப்பிணிகள் துளசி இலைகளை கொதிக்க வைத்து மூலிகை தேநீராக அருந்தலாம். அது பிரசவ காலத்தை எளிதாக்கும். அதேபோல் கர்ப்பிணிகள் அவ்வப்போது சில துளசி இலைகளை மென்று வர, வலியின்றி பிரசவம் ஏற்பட வழிவகுக்கும் என்றும் ஆயுர்வேத மருத்துவத்தில் கூறப்பட்டுள்ளது.
Thanks to OneIndia

Seetha 09-03-2012 | kalaignar Tv Seetha 9th March 2012

Posted: 09 Mar 2012 01:48 AM PST


Seetha 09-03-2012 | kalaignar Tv Seetha 9th March 2012

This posting includes an audio/video/photo media file: Download Now

Cinema Express 01 to 15-03-2012 | Free Download CinemaExpress PDF | Cinema Express 1st to 15th March 2012 ebook

Posted: 09 Mar 2012 12:43 AM PST


Cinema Express 01 to 15-03-2012 | Free Download CinemaExpress PDF |  Cinema Express 1st to 15th March 2012 ebook

Download Link

Puthiya Thalaimurai Kalvi 05-03-2012 | Free Download Puthiyathalaimurai kalvi magazine ebook 5th March 2012 latest

Posted: 09 Mar 2012 12:36 AM PST


Puthiya Thalaimurai Kalvi 05-03-2012 | Free Download Puthiyathalaimurai kalvi magazine ebook 5th March 2012 latest

Download Links

Athipookal 09-03-2012 | Sun Tv Athipookal Serial 9th March 2012

Posted: 09 Mar 2012 01:14 AM PST


Athipookal 09-03-12 | Sun Tv Athipookal Serial 9th March 2012
Source 1

Source 2

This posting includes an audio/video/photo media file: Download Now

Ilavarasi 09-03-2012 | Sun Tv Elavarasi Serial 9th March 2012

Posted: 09 Mar 2012 12:16 AM PST


Ilavarasi 09-03-12 | Sun Tv Elavarasi Serial 9th March 2012
Updating..

This posting includes an audio/video/photo media file: Download Now

Thiyagam 09-03-2012 | Sun Tv Thiyagam Serial 9th March 2012

Posted: 09 Mar 2012 12:18 AM PST


Thiyagam 09-03-12 | Sun Tv Thiyagam Serial 9th March 2012

This posting includes an audio/video/photo media file: Download Now

Mutharam 09-03-2012 | Sun Tv Muthaaram Serial 9th March 2012

Posted: 08 Mar 2012 11:31 PM PST


Mutharam 09-03-12 | Sun Tv Muthaaram Serial 9th March 2012

This posting includes an audio/video/photo media file: Download Now

Vellai Thamarai 09-03-2012 | Sun Tv Vellai Thamarai Serial 9th March 2012

Posted: 08 Mar 2012 11:30 PM PST


Vellai Thamarai 09-03-12 | Sun Tv Vellai Thamarai Serial 9th March 2012

This posting includes an audio/video/photo media file: Download Now

Uravugal 09-03-2012 | Sun Tv Uravugal Serial 9th March 2012

Posted: 08 Mar 2012 11:29 PM PST


Uravugal 09-03-12 | Sun Tv Uravugal Serial 9th March 2012

This posting includes an audio/video/photo media file: Download Now

Kasturi 09-03-2012 | Sun Tv kasthuri Serial 9th March 2012

Posted: 08 Mar 2012 11:28 PM PST


Kasturi 09-03-12 | Sun Tv kasthuri Serial 9th March 2012

This posting includes an audio/video/photo media file: Download Now

Cinema Seithigal 09-03-2012 | Sun Tv Cinema News 9th March 2012

Posted: 08 Mar 2012 09:55 PM PST


Cinema Seithigal 09-03-12 | Sun Tv Cinema News 9th March 2012

This posting includes an audio/video/photo media file: Download Now

Maruthani 09-03-2012 | Sun tv Marudhaani 9th March 2012

Posted: 08 Mar 2012 09:53 PM PST


Maruthani 09-03-12 | Sun tv Marudhaani 9th March 2012


This posting includes an audio/video/photo media file: Download Now

ஆனந்தி என்ற கனி என்ற மேகலை என்ற சீதம்மா!

Posted: 08 Mar 2012 08:27 PM PST


ஆனந்தி என்ற கனி என்ற மேகலை என்ற சீதம்மா!

''காதலிக்கிறேன், கல்யாணம் பண்ணிக்கப்போறேன்னு என்னைப் பத்தி கன்னாபின்னானு நியூஸ் எழுது றாங்க. அப்புறம் என்கிட்டயே வந்து, 'நீங்க ஏன் முன்ன மாதிரி மீடியா ஃப்ரெண்ட்லியா இல்லை?'னு கேட்கி றாங்க''-அலுப்பும் சலிப்புமாக ஆரம் பித்தாலும், அம்புட்டு அழகாக இருக்கிறார் அஞ்சலி.


''மாஸ் ஹீரோ, அறிமுகம்னு கலந்துகட்டி நடிக்கிறீங்களே... என்னதான் ஐடியா உங்க மனசுல?''


'' 'கற்றது தமிழ்' ஆனந்தி, 'அங்காடித் தெரு' கனி, 'எங்கேயும் எப்போதும்' மணிமேகலை மாதிரி உங்களுக்காகவே ஒரு கேரக்டர் பண்ணியிருக்கோம். அதுல நீங்க மட்டும்தான் செட் ஆவீங்க'னு கேட்டு, எத்தனையோ புது இயக்குநர்கள் வர்றாங்க. அதேநேரம், 'பவர்ஃபுல் ப்ளஸ் செம கிளாமர் கேரக்டர். ரெண்டையும் ஒரே ஆளா உங்களாலதான் சமாளிக்க முடியும்'னு சீனியர்ஸ் வர்றாங்க. அப்போ நான் போற ரூட் கரெக்ட்தானே? நான் எப்பவும் இயக்குநரின் நடிகை. அவ்வளவுதான்!''


''போற ரூட் எல்லாம் சரின்னா, அப்போ ஏன் தமிழின் டாப் ஸ்டார் ஹீரோக்களுடன் அஞ்சலி இன்னும் நடிக்கலை?''


''தெலுங்கில் வெங்கடேஷ், மகேஷ்பாபுனு ரெண்டு பேருமே டிரெண்ட் செட்டர் ஹீரோஸ். அவங்க ரெண்டு பேரும் முதல்முறையா சேர்ந்து நடிக்கும் 'சீதம்மா வகிட்லே ஸ்ரீமல்லி செட்டு' படத் தில் நான் நடிக்கும் கேரக்டர்தான் சீதம்மா. மாஸ் ஹீரோக்கள் ரெண்டு பேர் என் கேரக்டர் பேரோட ஆரம்பிக்கிற படத்தில் நடிக்கிறது எவ்ளோ பெரிய விஷயம்? தமிழிலும் அந்த மாதிரி நிலை வரும்!''


''இப்போ தமிழ்ல என்னென்ன படங்களில் நடிக்கிறீங்க?''


''சுந்தர்.சி சார் இயக்கும் 'மசாலா கஃபே' படத்தில் விமல், சிவா ரெண்டு பேருமே ஹீரோ. சுந்தர் சாரின் வழக்கமான காமெடி கலக்கல் படம். இதில் நான் ஹெல்த் இன்ஸ்பெக்டரா வர்றேன். அப்புறம் முருகதாஸ் சார்கிட்ட '7ஆம் அறிவு' வரை வேலை பார்த்த கின்ஸ்லே இயக்கும் படத்தில் நடிக்கிறேன். ஏ.ஆர்.முருகதாஸின் தம்பி சரவணன்தான் ஹீரோ. இதில் 'எங்கேயும் எப்போதும்' மணி மேகலைக்கு நேரெதிர் கேரக்டர்!''


''காதல், கல்யாணம்னு உலவுற வதந்திகளுக்கு நீங்களே பதில் சொல்லிடுங்களேன்...''


''அதெல்லாம் நல்ல விஷயம்தான். ஆனா, இன்னும் ரெண்டு வருஷத்துக்கு, நான் ரசிச்சு ரசிச்சு நடிக்கிற அளவுக்கு நல்ல நல்ல படங்கள் கையில் இருக்கு. முதல்ல அதுல ஹீரோக்களைக் காதலிச்சுட்டு வர்றேன். அப்புறம் ரியல் லைஃப் ஹீரோ யார்னு பார்க்கலாம்!''
Thanks to Vikatan

உல்லாசமாக இருந்ததாக சொல்லும் அல்போன்சா, வினோத்குமாரை ஏன் காப்பாற்றவில்லை: தந்தை கேள்வி

Posted: 08 Mar 2012 08:23 PM PST



உல்லாசமாக இருந்ததாக சொல்லும் அல்போன்சா, வினோத்குமாரை ஏன் காப்பாற்றவில்லை: தந்தை கேள்வி

நடிகை அல்போன்சா சென்னை விருகம்பாக்கம் போலீஸ் நிலையம் எதிரில் உள்ள சியாமளா கார்டன் அடுக்குமாடி குடியிருப்பில் வசித்து வருகிறார். இவர் தனது முதல் கணவரை பிரிந்து தனியாக வாழ்ந்து வந்தார். இவருக்கும், புதுமுக நடிகர் வினோத்குமாருக்கும் காதல் மலர்ந்தது. இருவரும் திருமணம் செய்து கொள்ளாமலேயே ஒரே வீட்டில் வாழ்ந்தனர். அல்போன்சாவின் வீட்டில் கடந்த ஒரு வருடமாக வினோத்குமார் வாழ்ந்து வந்தார்.


இவர்களது காதல் உல்லாச வாழ்க்கையில் கடந்த ஞாயிற்றுகிழமை நள்ளிரவு திடீர் புயல் வீசி விட்டது. வினோத்குமார் அல்போன்சா வீட்டு படுக்கை அறையில் தூக்கில் பிணமாக தொங்கினார். அதே வீட்டில் இன்னொரு படுக்கை அறையில் இருக்கும்போதே இந்த துயரச்சம்பவம் நிகழ்ந்துவிட்டதாக அல்போன்சா கூறினார்.


வினோத்குமார் தூக்குப்போட்டு தற்கொலை செய்து கொண்டதாக அல்போன்சா விருகம்பாக்கம் போலீசில் புகார் கொடுத்தார். வினோத்குமாரின் உடல் ராயப்பேட்டை அரசு மருத்துவமனைக்கு கொண்டு செல்லப்பட்டவுடன், அல்போன்சா தூக்க மாத்திரை சாப்பிட்டு தற்கொலைக்கு முயற்சி செய்தார். தனியார் மருத்துவமனையில் 2 நாட்கள் சிகிச்சை பெற்றபின் அவர் உயிர் பிழைத்துக் கொண்டார்.
இந்த வழக்கு அல்போன்சா தரப்பில் தற்கொலை என்று சொல்லப்படுகிறது. ஆனால் வினோத்குமாரின் தந்தை கொலை என்று கூறியுள்ளார்.


வினோத்குமாரின் பிரேத பரிசோதனையில் அவர் கொலை செய்யப்பட்டதற்கான எந்தவித தடயமும் இல்லை என்று டாக்டர்கள் கூறிவிட்டார்கள் என்றும், தற்கொலை செய்ததற்கான தடயங்களே இருப்பதாக டாக்டர்கள் தெரிவித்துள்ளனர் என்றும் போலீசார் தெரிவித்தனர். இருந்தாலும் பிரேதபரிசோதனை அறிக்கை அதிகாரப்பூர்வமாக வந்தபிறகு இந்த வழக்கில் இறுதி முடிவு எடுக்கப்படும் என்று போலீசார் அறிவித்துள்ளனர்.


இந்த நிலையில் அல்போன்சா ஆஸ்பத்திரியில் இருந்து டிஸ்சார்ஜ் ஆகி ஓய்வு எடுத்து வருகிறார். அவரிடம் மீண்டும் விசாரணை நடத்த விருகம்பாக்கம் போலீசார் முடிவு செய்துள்ளனர்.


08.03.2012 அன்று காலையில் நடிகர் வினோத்குமாரின் தந்தை பாண்டியன் தனது உறவினர்கள் மற்றும் வக்கீல்களுடன் போலீஸ் கமிஷனர் அலுவலகத்தில் புதிய புகார் மனு ஒன்றை கொடுத்தார். அந்த புகார் மனுவில் வினோத்குமார் கொலை செய்யப்பட்டுள்ளார் என்றும், இதுதொடர்பாக அல்போன்சா மீதும், அவரது தம்பி டான்ஸ் மாஸ்டர் ராபர்ட் மீதும் கொலை வழக்குப்பதிவு செய்து, அவர்களை கைது செய்ய வேண்டும் என்றும் குறிப்பிட்டுள்ளார்.


வினோத்குமார் கொலை செய்யப்பட்டார் என்பதற்கான புகைப்பட ஆதாரங்கள் சிலவற்றையும் மனுவோடு இணைத்து கொடுத்தார். வினோத்குமார் இறந்து கிடந்த படுக்கை அறை சுவரிலும், படுக்கைக்கு கீழேயும் ரத்த சிதறல் கறை இருந்தது என்றும், அது தொடர்பான புகைப்படங்களை கொடுத்துள்ளோம் என்றும், பாண்டியன் பின்னர் நிருபர்களுக்கு அளித்த பேட்டியில் தெரிவித்தார்.


வினோத்குமாருடன் உல்லாசமாக இருந்ததாக சொல்லும் அல்போன்சா, அதே வீட்டில் தூக்கு போட்டு தற்கொலை செய்தவரை ஏன் காப்பாற்ற முயற்சிக்கவில்லை என்பது சந்தேகமாக உள்ளது. மேலும் படுக்கை அறையை திறந்து போட்டுக் கொண்டு, வினோத்குமார் தற்கொலை செய்ததாக சொல்லி இருக்கிறார்கள். அது நம்பும்படி இல்லை. தற்கொலை செய்பவர்கள் கதவை பூட்டிக் கொண்டுதான் தற்கொலை செய்வதை வழக்கமாக பார்க்க முடியும். மேலும் வினோத் சாவதற்கு முன்பு அவருக்கும், அல்போன்சாவுக்கும் சண்டை நடந்தது என்பதை, அல்போன்சாவின் குழந்தையே போலீஸ் விசாரணையில் தெரிவித்துள்ளது. இதுவும் ஒரு சந்தேகத்தை கிளப்பி உள்ளது என்றும் பாண்டியன், நிருபர்களிடம் தெரிவித்தார்
Thanks to Nakkheeran

’3’ படம் வைட்டிங்! கதை ரிலீஸ்!

Posted: 08 Mar 2012 08:19 PM PST


'3' படம் வைட்டிங்! கதை ரிலீஸ்!
தனுஷ், ஸ்ருதி நடிக்கும் 3 படம் மார்ச் 30ஆம் தேதி ரிலீஸாகும் என செய்தி வெளியானது. பின்னர் அந்த தேதியும் இல்லை மார்ச் அல்லது ஏப்ரலில் வெளியாகும் எனத் தெரிகிறது. படப்பிடிப்பு துவங்கியதிலிருந்தே பரபரப்பாக பேசப்பட்ட படம் 3. 


ரஜினி 3 படத்தின் கிளைமேக்ஸை மாற்றச் சொன்னார் என்று வெளியான செய்தி தான் ஹைலைட்இப்போது 3 படத்தின் கதை வெளியாகியுள்ளது. ஒரு ஆணுக்கும் பெண்ணுக்கும் இடையே மூன்று பருவத்தில் வெளிப்படும் காதலையும், ஒவ்வொரு பருவத்திலும் அது மாறுபடும்விதத்தையும் ஐஷ்வர்யா  படமாக்கியிருப்பதாகத் தெரிகிறது. 


இதற்கு முன் தனுஷ், ஐஷ்வர்யா, அனிருத் என ஒரே குடும்பத்தை சேர்ந்த மூவரும் படத்தில் இணைவதால் 3 என்று டைட்டில் வைத்ததாகவும் பேசப்பட்டது. டிரெய்லரில் வரும் பள்ளிப் பருவ தனுஷ் துள்ளுவதோ இளமை படத்தை நினைவு படுத்துகிறார். பாடல்கள் ஹிட்டாகிவிட்டதால் படமும் ஹிட்டானால் நல்ல வசூல் தான். 


ஆனால் படம் ரிலீஸாக வேண்டுமே. '3' என்ற பெயர் வைத்ததாலோ என்னவோ மூன்று மாதமாக படத்தின் ரிலீஸ் தேதியை தள்ளிப் போட்டுக் கொண்டே இருக்கிறார்கள். "ஒய் திஸ் கொலவெறி கொலவெறி '3' "
Thanks to Nakkheeran

எல்லா ஹீரோக்களும் என் காதலர்கள்- அஞ்சலி!

Posted: 08 Mar 2012 08:18 PM PST


எல்லா ஹீரோக்களும் என் காதலர்கள்- அஞ்சலி!
'அங்காடித்தெரு' அஞ்சலி என்பதே பெயராக மாறும் அளவிற்கு அந்த படத்தின் மூலம் புகழ்பெற்றார் நடிகை அஞ்சலி. கற்றது தமிழ், அங்காடித்தெரு படங்களுக்காக பிலிம் ஃபேர் அவார்ட் வாங்கினார் அதன் பின் மங்காத்தா எங்கேயும் எப்போது என எல்லாமே வெற்றிப் படங்கள் தான்.


முன்னணி கதாநாயகர்களுடன் நடிக்கும் அளவிற்கு மார்கெட் வளர்ந்த பிறகு "யாரையாவது காதலிக்கிறீர்களா?" என்பது அனைத்து நடிகைகளிடமும் கேட்கப்படும் கேள்வி தான் என்றாலும் அஞ்சலியிடம் கேட்காமல் விடவில்லை. 


இந்த கேள்விக்கு அஞ்சலி " ஆம் நான் கூட காதலிப்பேன். எல்லா நடிகர்களையும் காதலிப்பேன். அனைத்து நடிகர்களுடனும் நடித்து படத்தில் அவர்களை காதலித்துவிடுவேன். அதன் பிறகு தான் என் வாழ்வின் உண்மையான ஹீரோவை கண்டுபிடிக்க வேண்டும்" என்று சிரித்த முகமாக பதிலளித்தார். 


அஞ்சலி அடுத்ததாக சுந்தர்.சி இயக்கத்தில் மசாலா கஃபே என்ற படத்தில் விமல், சிவா என இரண்டு கதாநாயகன்களுடன் நடிப்பதை பற்றி பேசும்போது அதை விடுங்க சார் என்று ஆர்வத்துடன் அஞ்சலி பேசுவது அவர் நடிக்கும் தெலுங்கு படத்தை பற்றித் தான். 


"மகேஷ் பாபு, வெங்கடேஷ் ஆகிய இரு டிரெண்ட்செட் தெலுங்கு நடிகர்களும் இணையும் படம் "சீதம்மா வகிட்லோ ஸ்ரீமல்லி செட்டு". இந்த படத்தில் சீதம்மா என்ற கேரக்டரில் தான் நான் நடிக்கிறேன்" என்று பெருமிதம் அடைகிறார். இந்த படம் தனக்கு நல்ல பிரேக்காக அமையும் என்பது அஞ்சலியின் எதிர்பார்ப்பு. 
Thanks to Nakkheeran

மே 11ஆம் தேதி நடிகை சினேகா திருமணம்!

Posted: 08 Mar 2012 08:12 PM PST


மே 11ஆம் தேதி நடிகை சினேகா திருமணம்!

கடந்த 2 மாதங்களுக்கு முன்பு நடிகர் பிரசன்னா, எனக்கும், நடிகை சினேகாவுக்கும் இடையே காதல் இருப்பது உண்மைதான். நாங்கள் இருவரும் பெற்றோர்கள் சம்மதத்துடன் திருமணம் செய்து கொள்ள இருக்கிறோம். எங்கள் இரண்டு பேரின் பெற்றோர்களும் சந்தித்துப்பேசி, திருமணத்தை முடிவு செய்வார்கள்'' என்று காதல் திருமண அறிவிப்பை வெளியிட்டார்.

அப்போது, சினேகா அமெரிக்காவில் இருந்தார். பிரசன்னாவின் காதல் திருமண அறிவிப்பை அவர் மறுக்கவில்லை. அதன் பிறகு சினேகாவும், பிரசன்னாவும் சில நிகழ்ச்சிகளில் ஜோடியாக கலந்து கொண்டார்கள். 

கடந்த மாதம் (பிப்ரவரி) 14ந் தேதி காதலர் தினத்தன்று இருவரும் ஜோடியாக போட்டோவுக்கு போஸ்' கொடுத்தார்கள். காதலுடன், பரிசு பொருட்களை பரிமாறிக் கொண்டார்கள்.

சினேகாவின் பெற்றோர்களும், பிரசன்னாவின் பெற்றோர்களும் சமீபத்தில் சந்தித்துக் கொண்டார்கள். அப்போது, சினேகா பிரசன்னா திருமணத்தை நிச்சயம் செய்தார்கள். அதன்படி, இருவருக்கும் வருகிற மே 11 ந் தேதி, சென்னை வானகரம் அருகில் உள்ள ஸ்ரீவாரு வெங்கடாசலபதி மண்டபத்தில், திருமணம் நடக்கிறது. திருமணத்துக்கான வேலைகள் இப்போதே தொடங்கி விட்டன. திருமணத்துக்குப்பின், சினேகா விரும்பினால் நடிக்கலாம். விரும்பவில்லை என்றால் நடிப்பதை நிறுத்திக் கொள்ளலாம். அதில், நான் தலையிட மாட்டேன். வாழ்க்கை வேறு, தொழில் வேறு என்பதில் நான் உறுதியாக இருக்கிறேன் என்று பிரசன்னா ஏற்கனவே தெரிவித்திருந்தார். 

நடிகை சினேகாவும், நடிகர் பிரசன்னாவும் அச்சமுண்டு அச்சமுண்டு' படத்தில், முதன்முதலாக ஜோடியாக நடித்தார்கள். இந்த படத்தின் படப்பிடிப்பு முழுவதும் அமெரிக்காவில் நடந்தது. அப்போது இருவருக்கும் இடையே ஏற்பட்ட நட்பு, நாளடைவில் காதலாக மாறியது.
Thanks to Nakkheeran

"சிங்கத்தை' துரத்த வேண்டும்... தேமுதிக டெபாசிட் இழக்கும் : அதிமுக "பதிலடி "அட்டாக்'

Posted: 08 Mar 2012 08:11 PM PST


"சிங்கத்தை' துரத்த வேண்டும்... தேமுதிக டெபாசிட் இழக்கும் : அதிமுக "பதிலடி "அட்டாக்'
சங்கரன்கோவில் : சிங்கத்தை நாட்டை விட்டு காட்டுக்கு துரத்த வேண்டும். சங்கரன்கோவில் தொகுதியில் தேமுதிக டெபாசிட் இழப்பது உறுதி தேர்தல் பிரசாரத்தில் அனைத்துலக எம்.ஜி.ஆர் மன்ற செயலாளர் தமிழ்மகன் உசேன் பேசினார்.
சங்கரன்கோவில் தொகுதி அதிமுக வேட்பாளரை ஆதரித்து அனைத்துலக எம்.ஜி.ஆர் மன்ற செயலாளர் தமிழ்மகன் உசேன் பல்வேறு பகுதிகளில் பிரசாரம் செய்தார். அப்போது அவர் பேசியதாவது:
தமிழகத்தில் ஏழை மக்களின் நலன்களுக்காக பல்வேறு நலத்திட்டங்களை முதல்வர் ஜெயலலிதா செயல்படுத்தி வருகிறார். இந்த திட்டங்களால் ஏழை, நடுத்தர மக்கள் உட்பட அனைத்து தரப்பினரும் பெரிதும் பயன் அடைந்து வருகின்றனர்.
கடந்த சட்டசபை தேர்தலில் எங்களுடன் கூட்டணி வைத்ததால்தான் தேமுதிகவுக்கு அதிக எம்.எல்.ஏக்கள் கிடைத்துள்ளனர். இதனை மறந்து விட்டு தற்போது எங்களை விமர்சனம் செய்கின்றனர். அதிமுகவுடன் கூட்டணி இல்லாததால் கடந்த உள்ளாட்சி தேர்தலில் தேமுதிக படு தோல்வியை சந்தித்தது என்பதை மறந்து விட கூடாது.
சிங்கத்தை சீண்ட கூடாது என்று தேமுதிகவினர் பேசுகின்றனர். சிங்கம் என்றால் காட்டில்தான் இருக்க வேண்டும். நாட்டில் இருக்க கூடாது. அதனை ஓட, ஓட விரட்ட வேண்டும். சங்கரன்கோவில் தொகுதியில் தேமுதிக டெபாசிட் இழப்பது உறுதி. ஏழை மக்களின் நல்வாழ்வு திட்டங்கள் தொடர அதிமுக வேட்பாளர் முத்துசெல்விக்கு ஆதரவு அளிக்க வேண்டும்.இவ்வாறு அவர் பேசினார். இதில் நிர்வாகிகள் கலா செல்வன், பன்னீர்செல்வம், பீர்முகம்மது, சலீம் பாட்சா, நவாஸ் உட்பட பலர் கலந்து கொண்டனர்.
Thanks to Dinamalar

சட்டசபையில் ஆபாச படம் பார்த்த விவகாரம்: மூவர் குழு முன் மாஜி அமைச்சர்கள் வாக்குமூலம்

Posted: 08 Mar 2012 08:05 PM PST


சட்டசபையில் ஆபாச படம் பார்த்த விவகாரம்: மூவர் குழு முன் மாஜி அமைச்சர்கள் வாக்குமூலம்
பெங்களூரு: கர்நாடக சட்டசபையில், ஆபாச படம் பார்த்த மூன்று முன்னாள் அமைச்சர்களும், விசாரணை குழு முன் ஆஜராகி வாக்குமூலம் அளித்தனர்.


கர்நாடக சட்டசபையில், மொபைல் போன் மூலம் ஆபாச படம் பார்த்ததால், அமைச்சர்கள் லட்சுமண் சவதி, சி.சி.பாட்டீல், கிருஷ்ண பலேமர் ஆகியோர் பதவியிழந்தனர். இது குறித்து விசாரிக்க, கர்நாடக சட்டசபை, மேலவையின் ஆளுங்கட்சி, எதிர்க்கட்சி உறுப்பினர்கள், ஏழு பேர் அடங்கிய விசாரணை கமிட்டி அமைக்கப்பட்டது. இக்கமிட்டி, ஏற்கனவே இரண்டு முறை விசாரணை நடத்தியது. இதை கமிட்டியின் எதிர்க்கட்சி உறுப்பினர்கள் புறக்கணித்தனர். மூன்றாவது கூட்டம் நேற்று நடந்தது. இக்கூட்டத்தில், மூன்று முன்னாள் அமைச்சர்களும் நேரில் ஆஜராகி, வாக்குமூலம் அளித்தனர்.


பின்னர், நிருபர்களிடம் கமிட்டி தலைவர் ஸ்ரீசைலப்பா பிதரூர் கூறியதாவது: கர்நாடக சட்டசபையில், மூன்று முன்னாள் அமைச்சர்கள் மட்டுமின்றி, மேலும், 15 எம்.எல்.ஏ.,க்களும் ஆபாச படம் பார்த்தது குறித்து, "சிசிடிவி'க்களில் பதிவாகியுள்ளது. இவர்கள் கமிட்டி முன் ஆஜராகுமாறு, நோட்டீஸ் அனுப்பும் எண்ணம் தற்போதைக்கு இல்லை. அவர்களுக்கு எதிராக நடவடிக்கை மேற்கொள்ள சட்டத்தில் உள்ளதா? என்பது குறித்து பரிசீலித்த பின்னர், அடுத்த நடவடிக்கை மேற்கொள்ளப்படும். இக்குழுவின் அடுத்த கூட்டம், வரும் 15ம் தேதி நடக்கவுள்ளது. அதற்குள், இறுதி அறிக்கை அளிக்க இயலாது. இதற்கு கூடுதல் அவகாசம் கேட்டு, நாளை (இன்று) சபாநாயகர் போப்பையாவை சந்தித்து, கேட்கவுள்ளேன். ஒரு வேளை கால அவகாச கோரிக்கை நிராகரிக்கப்பட்டால், குறிப்பிட்ட காலத்துக்குள் அறிக்கை அளிக்க முயற்சிப்பேன். நாங்கள் அளித்த நோட்டீசுக்கு முன்னாள் அமைச்சர்கள் லட்சுமண் சவதி, சி.சி.பாட்டீல், கிருஷ்ண பலேமர் ஆகிய மூவரும், இன்று (நேற்று) குழுவின் முன் ஆஜராகி, வாக்கு மூலம் அளித்தனர். இதன் விவரங்களை, தற்போது முழுமையாக வெளிப்படுத்த முடியாது. மூவருமே தாங்கள் நிரபராதிகள் என்றும், இச்சம்பவத்தால் வருத்தமுற்றுள்ளதாகத் தெரிவித்தனர். குழு உறுப்பினர்கள் கேட்ட அனைத்து கேள்விகளுக்கும் தக்க பதிலளித்தனர் என்றார். குழு உறுப்பினர்கள் நெஹரு ஓலிகார், சுரேஷ் கவுடா, எஸ்.ஆர்.விஸ்வநாத் ஆகியோர் மட்டுமே கலந்து கொண்டனர்.
Thanks to Dinamalar

டிராவிட் போல ஒரு வீரர் இனி கிடைக்க மாட்டார்-சச்சின் புகழாரம்

Posted: 08 Mar 2012 07:59 PM PST


டிராவிட் போல ஒரு வீரர் இனி கிடைக்க மாட்டார்-சச்சின் புகழாரம்

டெல்லி: ராகுல் டிராவிட் போன்ற ஒரு கிரிக்கெட் வீரரை எங்குமே பார்க்க முடியாது. அப்படி ஒரு வீரர் இனியும் கூட கிடைக்க மாட்டார் என்று சச்சின் டெண்டுல்கர் புகழாரம் சூட்டியுள்ளார்.


ஏற்கனவே ஒரு நாள் போட்டிகளிலிருந்து விடை பெற்று விட்ட டிராவிட் இன்று டெஸ்ட் போட்டிகளிலும் தனது ஓய்வை அறிவிக்கவுள்ளதாக எதிர்பார்க்கப்படுகிறது. இதை உறுதி செய்யும் வகையில் சச்சின் டிராவிடைப் புகழ்ந்து பேசியுள்ளார்.


இதுகுறித்து அவர் கூறுகையில், டிராவிடைப் போல வேறு ஒரு வீரர் கிடையாது. அப்போதும் சரி, இப்போதும் சரி, எப்போதும் சரி, டிராவிடுக்கு நிகர் டிராவிட் மட்டுமே. அவரைப் போல இன்னொருவர் வர முடியாது. ஆட்டக்களத்திலும் சரி, டிரஸ்ஸிங் ரூமிலும் சரி டிராவிடை நான் மிஸ் பண்ணப் போகிறேன் என்று கூறியுள்ளார் சச்சின்.


டெஸ்ட் வரலாற்றில் அதிக ரன்களைக் குவித்த நம்பர் டூ வீரர் டிராவிட்தான். முதலிடத்தில் சச்சின் உட்கார்ந்திருக்கிறார். இன்று பெங்களூரில் செய்தியாளர்கள் கூட்டத்திற்கு டிராவிட் ஏற்பாடு செய்துள்ளார். அப்போது தனது ஓய்வு முடிவை அவர் அறிவிப்பார் என்று எதிர்பார்க்கப்படுகிறது.


இங்கிலாந்தில் தொடங்கிய டிராவிடின் கிரிக்கெட் பயணம் கடந்த 15 வருடங்களாக தொடர்ந்து ஓடிக் கொண்டிருக்கிறது. கேப்டனாக இருந்தது இவரது கிரிக்கெட் வாழ்க்கையின் உச்சம். அதன் பின்னர் பார்ம் பிரச்சினை வந்தது. இதனால் தடுமாற்றத்துடன் போய்க் கொண்டிருந்த கிரிக்கெட் வாழ்க்கையில், ஒரு நாள் போட்டிகளுக்கு முற்றுப் புள்ளி வைத்தார்.


முற்றுப் புள்ளி வைப்பதற்கு முன்பு இங்கிலாந்தில் நடந்த டெஸ்ட் தொடரின்போது டிராவிட் மட்டுமே பளிச்சென பிரகாசித்தார். சச்சின் உள்ளிட்ட மற்ற அனைவருமே தோல்வி முகத்தில் இருந்தனர். டிராவிட் மட்டுமே ஆறுதல் அளிக்கும் வகையில் ஆடினார்.


சச்சினும் சரி, டிராவிடும் சரி, இருவரும் இணைந்து இந்தியாவுக்கு எத்தனையோ அற்புதமான வெற்றிகளைக் கொடுத்துள்ளனர். இருவரும் சேர்ந்து இந்திய அணிக்கு பல பெருமைகளையும் தேடிக் கொடுத்துள்ளனர். தற்போது அதில் ஒரு விக்கெட் விழப் போகிறது.


டிராவிடுடன் இணைந்து ஆடியது குறித்து சச்சின் கூறுகையில், டிராவிடுடன் பல சிறந்த தருணங்களை நான் அனுபவித்துள்ளேன். எங்களது பல செஞ்சுரி பார்ட்னர்ஷிப்புகளே அதற்குச் சான்று. இருவரும் இணைந்து நடுக்களத்தில் நீண்ட நேரம் நின்று ஆடியுள்ளோம்.


164 போட்டிகள், 13,000க்கும் மேற்பட்ட ரன்களை எடுத்த ஒருவரை எப்படிப் பாராட்டுவது என்றே தெரியவில்லை. எந்த வகையான பாராட்டும் அவருக்குப் போதுமானதாக இருக்காது என்றார் சச்சின்.


சச்சினுக்கு எப்படியோ, நிச்சயம் இந்திய டெஸ்ட் அணிக்கு டிராவிடன் ஓய்வு பெரும் இழப்பு என்பதில் சந்தேகமில்லை. காரணம், டிராவிடைப் போன்ற ஒரு ஸ்திரமான, சிறப்பான மாற்று நடுக்கள வீரரை இன்னும் நாம் சரிவர கண்டுபிடிக்கவில்லை.
thanks to Onetamil

திமுகவுக்காக அரும்பாடுபட்டதால் ஸ்டாலினை தலைவராக ஏற்றோம்: துரைமுருகன்

Posted: 08 Mar 2012 07:57 PM PST


திமுகவுக்காக அரும்பாடுபட்டதால் ஸ்டாலினை தலைவராக ஏற்றோம்: துரைமுருகன்
சென்னை: திமுகவின் வளர்ச்சிக்கு அரும்பாடுபட்டு எந்த பதவி கொடுத்தாலும் அதை அழகுபடுத்தியதால் தான் மு.க. ஸ்டாலினை தலைவராக எற்றுள்ளோம் என்று முன்னாள் அமைச்சர் துரைமுருகன் தெரிவித்துள்ளார்.


திமுக பொருளாளர் மு.க ஸ்டாலின் பிறந்த நாளையொட்டி சென்னை புதுவண்ணாரப்பேட்டையில் ''தங்க தளபதியே திரும்பி பார்க்கிறோம், திகைத்து நிற்கிறோம்'' என்ற தலைப்பில் நடந்த கருத்தரங்கை துவக்கி வைத்து முன்னாள் அமைச்சர் துரைமுருகன் பேசியதாவது,


1961ம் ஆண்டு நான் திமுக தலைவர் கருணாநிதியின் இல்லத்திற்கு சென்றிருந்தபோது ஸ்டாலின் 10 வயது சிறுவனாக இருந்தார். அவர் தனது தோழர்களுடன் சேர்ந்து கட்சிப் பணியில் ஈடுபட்டுக் கொண்டிருந்தார்.


அவர் ஒன்றும் திடீர் என்று தலைவராகிவிடவில்லை. திருமணமான 6வது மாதத்தில் மனைவியைப் பிரிந்து கட்சிக்காக சிறை சென்று சித்ரவதைகள் அனுபவித்தார். கட்சியின் ரத்தநாளமாக இருக்கும் இளைஞர் அணியைத் துவக்கி திமுகவின் வளர்ச்சிக்கு பாடுபட்டார்.


சட்டமன்ற உறுப்பினர், மேயர், உள்ளாட்சி துறை அமைச்சர், துணை முதல்வர், திமுக பொருளாளர் என எந்த பொறுப்பைக் கொடுத்தாலும் அதை அழகு படுத்தியவர். அதனால் தான் அவரை தலைவராக ஏற்றுக் கொண்டுள்ளோம். நூற்றாண்டு கண்ட திராவிட இயக்கத்தை இரண்டாம் நூற்றாண்டுக்கு அழைத்து செல்கிறார் என்றார். 


கருத்தரங்கில் சு.ப.வீரபாண்டியன், லியோனி சுமதிஸ்ரீ உள்ளிட்ட பலர் பேசினர்.
Thanka to OneIndia

சபாஷ், இதான் சரியான ரிவார்டு: நாலுபேரை ஜெயிலில் தள்ளிய 'கொலவெறி..'!

Posted: 08 Mar 2012 07:56 PM PST


சபாஷ், இதான் சரியான ரிவார்டு: நாலுபேரை ஜெயிலில் தள்ளிய 'கொலவெறி..'!

ஊர் உலகமெல்லாம் கொல வெறி பாடல் புராணம்தான். இந்தப் பாடலைப் பாடியதற்காக தனுஷுக்கு அம்பானி வீட்டில் விருந்து, டாடா வீட்டில் தட புடல் உபச்சாரம், பிரதமர் வீட்டில் பிரமாத மரியாதை... தனுஷும் சந்தோஷத்தின் உச்சிக்கே போய் விட்டார்.


இன்னொரு பக்கம், இந்த கொலவெறி பாடலைக் கேட்கும் சாதாரண, நடு வயதுக்காரர்கள் அல்லது இனிமையான சினிமா இசை ரசிகர்கள் 'பிபி' ஏறி வாய்க்கு வந்தபடி திட்டிக் கொண்டிருந்ததும் நடந்தது.


இந்த இரண்டாவது சம்பவம்தான் சமீபத்தில் சென்னையில் நடந்துள்ளது. சென்னையில் 'கொலவெறிப்' பாடலைப் பாடி ரயிலில் பயணிகளைத் 'துன்புறுத்திய' நான்கு பேரை ரயில்வே போலீசார் கைது செய்தனர்.


சைதாப்பேட்டையில் குடிபோதையில் ரயிலில் ஏறிய இந்த நால்வரும் சமீபத்திய ஹிட் பாடலான 'ஒய் திஸ் கொலவெறி டி..' பாடலை பாடி பெண்களை கேலி செய்துள்ளனர். இதையடுத்து ரயில்வே போலீசார் அந்த 4 பேரையும் கைது செய்தனர். அவர்கள் விவரம்: செங்குன்றத்தைச் சேர்ந்த கணேசன், சைதாப்பேட்டையைச் சேர்ந்த பாஸ்கர், சேஷப்பா, பாபு என விசாரணையில் தெரியவந்துள்ளது.


4 பேரும் இரண்டாம் வகுப்பு டிக்கெட் வாங்கிக் கொண்டு முதல் வகுப்பில் ஏறி கோரஸாக கொலவெறி பாடலைப் பாடியுள்ளனர். அதில் ஒருவர் லுங்கி அணிந்துகொண்டு தனுஷைப் போல நடனமாடி சக பயணிகளை தொந்தரவு செய்ததாக என போலீசார் தெரிவித்தனர்.


மாம்பலம் ரயில் நிலையத்துக்கு அந்த ரயில் வந்தபோது கூச்சலைக் கேட்டு ரயில்வே போலீசார் பெட்டிக்குள் ஏறினர். அப்போது அமைதியாகிவிட்டிருந்தனர் இளைஞர்கள். பின்னர் ரயில் புறப்பட்டபோது மீண்டும் பாடத் தொடங்கினர். அப்போது போலீசார் அவர்களைப் பிடித்து கைது செய்தனர். தனுஷின் கொலவெறி பாடலை மகா வெறியோடு பாடி ஆடி தொல்லை கொடுத்த அந்த நால்வரும், தற்போது புழல் சிறையில் கம்பி எண்ணிக் கொண்டுள்ளனர்!
Thanks to OneIndia